Në prag të ndeshjes kundër Villarrealit, Carlo Ancelotti sulmon edhe një herë kalendarin, duke qenë se Real Madridi i tij do të detyrohet të dalë në fushë me lodhjen e Champions League ende në këmbë.
“Nuk e kuptoj, pushimi minimal është 72 orë. Prioriteti janë paratë, të drejtat televizive, jo rikuperimi i lojtarëve – tha trajneri italian – Ka qenë një sezon stresues dhe shkaku është kalendari. Që nga janari nuk jemi ndalur për asnjë moment, luajmë çdo tri ditë”.
“Është shumë, edhe për mua që nuk luaj. Sepse përgatitja e një ndeshjeje çdo tri ditë… lojtarët nuk kanë kohë të rikuperohen, nuk eshte e mundur. Por është ajo që është”.
Për penalltinë e Julian Alvarez: “Nuk e kuptova bujën. Për ne loja ka përfunduar. Nuk e di se çfarë do të bëja me rregullin, por është ashtu siç është dhe duhet respektuar”.
