Real Madridi e mbyll fazën e grupeve me të gjitha fitore.
Real Madridi e ka mbyllur në mënyrën më të mirë të mundshme fazën e grupeve në Ligën e Kampionëve.
Skuadra e drejtuar nga Carlo Ancelotti regjistroi sonte fitoren e gjashtë nga po aq ndeshje të zhvilluara në Grupin C, për të vazhduar tutje si liderë të grupit, shkruan Gazeta Express.
Real Madridi triumfoi sonte në udhëtim ndaj Union Berlinit me rezultatin 2:3.
Joselu (61’, 72) dhe Dani Ceballos (89’) realizuan golat e fitores për “Los Blancos”. Vlen të theksohet se Luka Modric (45’) humbi një penallti sonte.
Kevin Volland (45+1’) dhe Alex Kral (85’) ishin autorët e golave për vendasit.
Real Madridi kalon tutje si lider i Grupit C me 18 pikë. Nga ky grup ka avancuar edhe Napoli, që u rendit i dyti me 10 pikë.
Braga do të vazhdojë garat në Ligën e Evropës, kurse Union Berlini është eliminuar.
