Milani dhe Real Madridi janë përballur në një sfidë miqësore në kuadër të turneut parasezonal në Pasadena të Kalifornisë.
Triumfues nga ky ballafaqim i dy gjigantëve evropian doli Real Madridi që fitoi me rezultat 3-2, edhe pse ishte në disavantazh 2-0, transmeton lajmi.net.
Italianët krijuan epërsi prej dy gola në pjesën e parë kur realizuan Tomori dhe Romero në minutat 25’ dhe 42’.
Por, situata ndryshoi krejtësisht në pjesën e dytë kur skuadra e Carlo Ancelotti mori kontrollin e lojës.
Valverde barazoi rezultat duke shënuar dy gola brenda dy minutave 57’ dhe 59’, kurse fitoren e spanjollëve e vulosi Vinicius Jr gjashtë minuta para përfundimit të ndeshjes./Lajmi.net/
