Klubi i futbollit Gjilani përmes një njoftimi, kanë bërë me dije transferimin e sulmuesit Redi Kasa.
Kasa vjen në Gjilan pas një aventure në Shqipëri me Egnatian, klub me të cilin edhe u shpall kampion.
Njoftimi i plotë i Gjilanit:
Sport Club Gjilani njofton se ka arritur marrëveshje me Klubin Futbollistik Egnatia për transferimin e futbollistit Redi Kasa me karton të plotë.
Kasa i është bashkuar Gjilanit nga kampionët e Shqipërisë duke mbyllur një tjetër aventurë pas asaj të fitimit të titullit kampion dhe Kupës së Shqipërisë.
23 vjeçari i cili luan në pozitën e sulmuesit të krahut të djathtë ka qenë pjesë e klubeve si NK Olimpija në Slloveni, Septemvri Sofia dhe Tsarsko Selo në Bullgari.
Kasa është produkt i akademisë së gjigantit italian Parma, derisa kishte debutuar me ekipin e parë në vitin 2021.
