Thomas Tuchel u bë trajner i Anglisë në janar dhe gjatë paraqitjeve të tij të para si trajner i “Tre Luanëve” arriti vetëm fitore në kualifikimet për Kupën e Botës 2026 kundër Shqipërisë dhe Letonisë.
Megjithatë, Harry Redknapp, ish-trajneri i Tottenham dhe West Ham, ka bërë një deklaratë mjaft të kontestuar, të ndryshëm nga pritshmëritë: “Do të jem i sinqertë me ju, mendoj se Thomas është një spiun gjerman.
Po, po, e kam seriozisht, ai është dërguar këtu për të na shkatërruar. Kështu është. Ai është si Lord Haw-Haw (William Joyce) gjatë luftës, i cili tha ‘ne kapëm ushtarët tuaj më të mirë’, dhe gjëra të tilla”.
Për ata që nuk e dinë, William Joyce transmetonte propagandë naziste në Mbretërinë e Bashkuar gjatë Luftës së Dytë Botërore. Redknapp gjithashtu imagjinoi një urdhër të dhënë Tuchel-it për të “shkuar atje dhe shkatërruar ekipin”, duke bërë një gjest të ngjashëm me përshëndetjen naziste.
Tuchel është trajneri i tretë i huaj i Anglisë, pas suedezit Sven-Goran Eriksson dhe italianit Fabio Capello, i cili u pritur me dyshime gjatë prezantimit të tij, ndërkohë që iu përgjigj kritikave me ironi: “Më falni, kam një pasaportë gjermane…”.
