Pepe Reina i jep lamtumirën Villarreal-it në moshën 41-vjeçare.
Përmes rrjeteve sociale, portieri bën me dije se këtë herë largimi është përfundimtar, të paktën në rolin e gardianit të portës.
Në postimin e tij Reina e cilëson “Nëndetësen e Verdhë” si shtëpinë e tij, teksa thekson se ky largim nuk është aspak i lehtë për të.
“Nuk është e lehtë t’i them lamtumirë asaj që ishte, është dhe do të jetë shtëpia ime.
Kaq shumë momente dhe eksperienca … Shumë kujtime që ndihem me fat që i kam ndarë në një klub dhe së bashku me njerëz kaq të veçantë.
Megjithatë tani është koha për të shkruar një kapitull të ri dhe më pas, jam i sigurt se rrugët tona do të kryqëzohen përsëri, sepse jeta të kthen gjithmonë në ato vende ku keni qenë të lumtur.
Tani unë duhet të gjej realitetin që më ndihmon të shkruaj kapitullin e fundit, ndihem shumë i përgatitur dhe i motivuar për ta bërë këtë”-shprehet Pepe Reina.
