Reali mori një fitore në frymën e fundit të mërkurën në La Liga, duke mundur Majorkën 2-1. Një fitore që erdhi falë golit të minutës së fundit nga Jakobo. Por Realit të Madridit iu desh të vendoste shifra rekord për të thyer rezistencën e skuadrës së Hagoba Arrasates dhe Vedat Muriqit.
Reali ka vendosur rekordin e vet për 10 sezonet e fundit, teksa ndaj ishullorëve regjistroi 38 goditje drejt portës dhe ekzekutoi 26 goditje këndi! 38 gjuajtje gjithsej, 26 prej tyre në pjesën e dytë. Këto u ndanë në 20 nga brenda zonës dhe 18 nga jashtë, që tregon se Reali i Madridit u përpoq në çdo mënyrë të mposhtte një Leo Roman të jashtëzakonshëm.
Portieri i Majorkës regjistroi 11 pritje. Rrethimi i Realit të Madridit u reflektua edhe në numrin e goditjeve nga këndi, gjithashtu një rekord në dhjetë vitet e fundit. Deri të mërkurën kundër Majorkës, rekordi i të bardhëve për goditje nga këndi ishte kundër Al Zhazirës në Kupën e Botës për Klube 2018, me 19. Shtatë më pak. Në këtë ndeshje, kundërshtari i tij gjithashtu nuk pati asnjë goditje nga këndi.
PANORAMASPORT.AL
