Me kalimin në finalen e Superkupës së Spanjës, Reali i Madridit vazhdon në një rrugëtim që pak nga pak po bëhet realitet dhe që nuk është gjë tjetër veçse të fitojë shtatë trofe në fund të sezonit.
Një rrethanë që ka ndodhur për faktin se “Los Blancos” janë kampionë në fuqi në Ligën e Kampionëve, që i dha akses në Superkupën e Europës (të fituar kundër Atalantës në gusht), Kupën Ndërkontinentale (të fituar kundër Paçukës) dhe gjithashtu akses në Kupës së Botës për Klube (formati i ri) të organizuar nga FIFA në Shtetet e Bashkuara të Amerikës verën e ardhshme.
Reali është në finalen e Superkupës së Spanjës, teksa është në garë dhe në tre kompeticione të tjera, La Liga ku kryeson, Kupa e Mbretit ku në 1/8 e finaleve do të përballet me Selta Vigon të enjten e ardhshme si dhe në Ligën e Kampioneve. Një që nga ana tjetër mund të ishte historike për klubin e bardhë që kurrë nuk ka fituar një tripletë (Liga, Kupa e Mbretit dhe Champions).
PANORAMASPORT.AL
