Leo Mesi arriti të fitonte trofeun e 44 në karrierën e tij, duke u bërë në këtë mënyrë futbollisti që ka fituar më shumë trofe në histori. Por, në hapat e Leo Mesit është një futbollist i cili ende nuk ka arritur të afirmohet si një nga më të mirët.
Sulmuesi i Mançester Sitit, Julian Alvarez ka fituar gjithçka në karrierën e tij. I ndihmuar edhe nga fati për të qenë pjesë e skuadrave më të mira, Alvarez ka arritur të fitojë në total 14 tituj, aq sa edhe Mesi në moshën 23 vjeçare.
Disa nga futbollistët më të suksesshëm në histori për sa i përket trofeve, janë Di Maria me 34, Tevez me 31, Luis Gonzalez me 26 e Maskerano me 25. Me ritmin që ka Alvarez dhe duke parë suksesin e Sitit në Europë e në Angli, nuk duket larg dita kur Alvarez të futet mes më të suksesshmëve në botë.
PANORAMASPORT.AL
