Debati në distancë mes Miroslav Kloses dhe Igli Tares ka nisur pak muaj më parë. Sulmuesi gjerman u ankua asokohe për mënyrën se si ishte trajtuar nga Lacio kur u Largua dhe kjo solli edhe përgjigjen e tashmë ish-drejtuesit të bardhekaltërve.
“Kam qenë unë që kam folur 3 herë me Miro para përfundimit të kontratës së tij për t’i ofruar rinovimin. Herën e parë më tha se kishte menduar për t’u tërhequr që një vit më parë, por i biri e kishte ftuar që të qëndronte.
E tija ka qenë gjithmonë një zgjidhje familjare. Të jesh një lojtar i madh, nuk do të thotë detyrimisht të jesh një njeri i madh.
Burrat shihen nga faktet. Dera është e hapur për t’u qartësuar, e tregon fakti se ai është ftuar me ish-shokët e skuadrës”, tha asokohe Tare në një intervistë për “Corriere Dello Sport”.
PANORAMASPORT.AL
