Te Juventusi, infermieria ka filluar të boshatiset pak nga pak dhe në prag të supersfidës ndaj Mançester Sitit, Tiago Mota ka disa alternativa më shumë që mund të zgjedhë në raport me situatën emergjente që ka kaluar kohët e fundit.Dy mesfushorët Ueston Mekeni dhe Duglas Luiz do të jenë të gatshëm për sfidën e sotme, por shqetëson situata e Andrea Kambiazos që me shumë gjasë nuk do të nisë këtë sfidë si titullar. Por kush janë alternativat e Tiago Motës ndaj Sitit?
Shanset më të larta janë që Savona të spostohet në krahun e majtë dhe në krahun e djathtë të luajë Danilo. Sakaq, në qendër të mbrojtjes do të jetë dyshja e përhershme Federiko Gati dhe Pier Kalulu përpara Di Gregorios.
Gjithashtu, në mesin e fushës tashmë jemi mësuar të shohim dyshen Turam-Lokateli dhe ashtu pritet që Mota që veprojë edhe ndaj Sitit, edhe pse nuk përjashtohet një surprizë me Mekenin që mund të marrë vendin e francezit. Nuk pritet të ketë surpriza në repartin ofensiv ku Fransisko Konseisao, Teun Kopmeiners dhe Kenan Jildiz do të mbështesin Dushan Vlahoviçin.PANORAMASPORT.AL
