Starti mjaft i mirë i Rafinjës në këtë sezon të ri te Barcelona ka vijuar edhe në Ligën e Kampioneve. Kapiteni i blaugranave ka qenë protagonist edhe kundër Jang Bojs teksa ka shënua një nga golat e fitores 5-0. Duke folur pas ndeshjes, ai ka vlerësuar rëndësinë e këtij takimi dhe veçanërisht fitoren e arritur.“Pas ndeshjes së Monakos, ne duhej të përgjigjeshim shpejt. Gjithashtu pak ditë më parë humbëm në Ligë dhe e dinim se duhej të përgjigjeshim. Të luash me tifozët tanë është shumë më e lehtë për shkak të mbështetjes nga ata. Është shumë e rëndësishme që arritëm të shënonim dhe shumë gola, pasi jam i bindur se do të na nevojiten në fund”, deklaroi braziliani.
Rafinja ka treguar dhe sekretin që ka bërë që ai të shprehet më mirë dhe të jetë më rezultativ.
“Në dy sezonet e fundit kam luajtur në të djathtë. Por ajo që ka ndryshuar më shumë për mua ka qenë pozicioni. Ndihem shumë më komod kështu si po luaj tani”, deklaroi ai.
PANORAMASPORT.AL
