Cristiano Ronaldo foli përpara ndeshjes kualifikuese të Portugalisë për Euro 2024 kundër Sllovakisë e cila do të luhet të premten dhe ai u pyet për Leo Messi, duke theksuar se nuk ka asnjë arsye për urrejtje dhe se së bashku ata kanë ndryshuar historinë e futbollit dhe kanë një marrëdhenie shumë të mirë.
Për nëntë vite ata ishin rivalë në Spanjë, njëri me Real Madridin dhe tjetri me Barcelonën. Megjithatë, rivaliteti vazhdoi edhe pasi portugezi u largua nga skuadra madrilene, duke ndjekur të dy rekordet dhe Topin e Artë.
“Urrejtja? Unë nuk shoh gjëra të tilla, rivaliteti është zhdukur. Ishte mirë, publiku e pëlqeu. Kushdo që e pëlqen Cristiano Ronaldon nuk ka pse ta urrejë Messin. Jemi të dy shumë mirë, kemi ndryshuar historinë e futbollit. Ne jemi të respektuar në të gjithë botën, kjo është gjëja më e rëndësishme. Ai shkon në rrugën e tij, unë shkoj timen”, tha fillimisht CR7 dhe vazhdoi.
“Ai ka bërë mirë, nga sa kam parë. Kursi vazhdon, nuk e shoh kështu konkurrencën. E kam thënë tashmë, kemi ndarë skenën për 15 vjet dhe kemi përfunduar, nuk them miq, por jemi kolegë profesionistë dhe e respektojmë njëri-tjetrin”./ h.ll/abcnews.al
