Dhimbjes për vdekjen e Xhixhi Rivës i bashkohet edhe Roberto Baxho. “I dashur Xhixhi, shok i shumë betejave e po aq plagëve…”. Kështu fillon letra e hapur shkruar nga “Bishtaleci” në kujtim të Xhixhi Rivës, mbi supin e të cilit ai mbështeti fytyrën e tij në lot pasi humbi penalltinë në finalen e Kupës së Botës 1994 kundër Brazilit.
“Jeta na bashkoi në rrugëtimin e jetuar nga ne me kaq shumë dashuri dhe pasion të pafund për lojën më të bukur në botë. Ti ishe një shembull unik dhe i çmuar i përulësisë së madhe.
Ti ishe për mua një shembull i bukur koherence dhe lidhjeje me fanellën, i guximit të sinqertë. Ti e doje tokën që të adoptoi si askush tjetër”.
“Ke qenë në gjendje ta shndërrosh vuajtjen dhe dhimbjen në pozitivitet. Ishe një shoqërues i mençur dhe i çmuar në udhëtim, ke qenë gjithmonë vetvetja brenda dhe jashtë fushës.
Ti ishe – përfundon ish-kampioni – unik dhe i paharrueshëm, ashtu siç jam i sigurt se unike dhe e paharrueshme do të jetë ajo “bubullimë” që do t’ju mirëpresë në udhëtimin tuaj qiellor, ku shpresoj se së shpejti do të takoni ata që keni dashur dhe të cilin shumë shpejt e humbe. Të dua, Roberto Baxho”.
