Starti i vështirë i Alexander Isak dhe Florian Wirtz te Liverpool mund të ketë një shpjegim përtej paraqitjeve në fushë. Ish-kapiteni i “Reds”, Andrew Robertson, tashmë te Tottenham, ka treguar se tragjedia e Diogo Jota ndikoi thellë te skuadra.
Dy blerjet e mëdha të verës 2025 kushtuan gjithsej 265 milionë euro: 140 milionë për Isak dhe 125 milionë për Wirtz. Gjermani, i ardhur nga Bayer Leverkusen, pati vështirësi të shfaqej rregullisht, ndërsa Isak, i penalizuar edhe nga një dëmtim, shënoi vetëm 4 gola në 22 ndeshje në sezonin e tij të parë.
“Është e vështirë të përshkruhet, sepse ajo që përjetuam ishte vërtet e tmerrshme. Të rinjtë mbërritën në një klub me zemrën e copëtuar. Për ta ishte e komplikuar, sepse sapo kishin firmosur për shifra të mëdha, por futbolli në atë moment nuk ishte gjëja më e rëndësishme, – tha Robertson për “The Overlap”. – Kishim humbur një nga miqtë tanë më të mirë në dhomën e zhveshjes. Jota nuk ishte vetëm futbollist, por shok dhe mik. Ishim në zi si skuadër”.
Ndërsa Isak ka nisur të zhbllokohet, me 4 gola në 5 ndeshjet e para të Premier League 2026/27, Wirtz vazhdon të kërkojë formën e tij më të mirë.
