“Rodri është mesfushori më i mirë në botë, deri tani”, ka rrëfyer Pep Guardiola pak kohë më parë. “Është një kompjuter i përsosur” e përshkroi Luis de la Fuente. Mesfushori i Mançester Sitit e ka konfirmuar një gjë të tillë më së miri në “Euro 2024”.
Mesfushori doli në vendin e pestë në “Topin e Artë 2023”, edhe pse për Moratën, Rodri duhej të ishte fitues, nuk është diçka që e shqetëson shumë. Në një intervistë për gazetën angleze “The Guardian”, Rodri analizoi opsionet për të fituar këtë çmim të lakmuar nga çdo futbollist. “Unë nuk luaj futboll për këtë arsye (për të fituar “Topin e Artë”). Ndoshta njerëzit do të donin që ai të ishte më pak komercial, por unë e kuptoj ndryshe futbollin, kështu që nuk zhgënjehem.
Nëse një ditë dikush dëshiron të shpërblejë punën, do ta mirëprisja këtë çmim personal por nuk më shqetëson aspak. Objektivi im është të fitoj me klubin që bëj pjesë dhe me kombëtaren spanjolle”, u përgjigj mesfushori i “La Roja”-s një ditë para sfidës kundër Francës në gjysmëfinalet e “Euro 2024”-ës.
PANORAMASPORT.AL
