Roko Vata vazhdon të lërë rregullisht shenjën e tij me fanellën e Watford, duke treguar se po ambientohet mjaft mirë në nivelet më të larta të futbollit anglez, duke kontribuuar edhe me gola.
Kështu ka bërë edhe sot, në sfidën e Kupës FA, ku skuadra e tij përballej në transfertë me një ekip të Premier Ligës siç është Fullhem.
WOW THAT IS A ROCKET FROM WATFORD’S 19 YEAR OLD ROCCO VATA🤯🤯🤯 pic.twitter.com/1CxKqfNDZu
— The 44 ⚽️ (@The_Forty_Four) January 9, 2025
Vata rreshtohej titullar në këtë takim dhe nuk ka zhgënjyer, teksa në minutën e 33-të të ndeshjes, shënoi një gol spektakolar i cili barazoi përkohësisht shifrat në 1-1.
Sulmuesi shqiptar lëshoi një gjuajtje të fortë nga distanca, të pakapshme për portierin kundërshtar i cili e pa atë të ndalej në rrjetë.
