Roma u kualifikua mbrëmjen e së enjtes në çerekfinalet e Europa League dhe trajneri i kryeqytetasve, Daniele De Rossi, është njeriu i momentit në Itali me paraqitjet fantastike të skuadrës, e cila deri para pak muajsh shihej në një situatë të ngushtë.
De Rossi ishte shumë i lumtur pas kualifikimit ndaj Brighton.
“Urimet u takojnë djemve që bënë pjesën më të madhe të punës në ndeshjen e parë. Zhvilluam një sfidë ku ishim të vëmendshëm dhe treguam personalitet. Ne mund të kishim bërë më mirë nëse do të përfitonim nga kundërsulmet, por në vend të kësaj ne luajtëm me topa të gjatë.
Tashmë kemi pasur dy ture të vështira dhe jemi gati të përballemi me të gjithë. Askush nuk do të jetë i lumtur të ndeshet me Romën”, përfundoi trajneri italian./h.ll/abcnews.al
