Roma i beson Belotit, Milani s’i prek fituesit!
Romës do t’i mungojë Kumbulla, Abrahami e me shumë mundësi Dibala, teksa në dyshim është kapiteni Pelegrini.
Praktikisht zgjedhje të detyruara për Zhoze Murinjon që në sulm ka vetëm Belotin, pasi Lukaku nuk ka ende formën e duhur.
Në formacion do të përfshihet edhe ish-i El-Sharaui, teksa, sa i përket sulmuesit belg, ai mund të luajë disa minuta ndaj një Milani që zbarkon në “Olimpico” si kryesues i A.
Stefano Pioli nuk duket se do të prezantojë për herë të tretë radhazi në kampionat formacionin që i ka dhënë suksesin në dy ndeshjet e para. Thelbësore në zgjedhjet e trajnerëve do të jetë mbledhja taktike, e cila do të venitë edhe dyshimet e fundit. Nëse kanë!
