Roma e trajnerit Zhoze Murinjo ka nisur të “ndezë” edhe në kampionat, ku me fitoren 4-1 në transfertë ndaj Kaljarit kryeqytetasit duket se po i japin fund krizës së rezultateve në Seria A.
Golin e parë Roma e shënoi në minutën e 19-të me Aouar dhe një minutë më pas Lukaku dyfishon. Në minutën e 40-të Dibala del i dëmtuar nga fusha dhe në vend të tij hyn Andrea Beloti. Pjesa e parë mbyllet në shifrat 0-2. Edhe pjesa e dytë nis nën diktatin e Romës, që në minutën e 51-të Beloti trefishon rezultatin.
Tetë minuta më vonë është radha e Romelu Lukaku që të shënojë golin e dytë personal dhe të katërtin për Romën. Në minutën e 87-të nga pika e bardhë e penalltisë Kaljari shënon golin e nderit me Nandez. Me këtë fitore Roma shkon në kuotën e 11 pikëve në tetë javë kampionat duke u ngjitur në vendin e 10-të.
PANORAMASPORT.AL
