Romario nuk mund të mungonte në listën e lojtarëve që, në këtë ditë të trishtueshme, e kujtuan Franco Baresi-n. U përballën në finalen e Kupës së Botës 1994 në Pasadena, të cilën Brazili e fitoi me penallti, por gjatë gjithë ndeshjes ai nuk arriti kurrë të çlirohej nga mbulimi i lojtarit të Milanit, i rikthyer nga operacioni në gju vetëm 25 ditë më parë. “Sot bota e futbollit u zgjua më e trishtuar me ndarjen nga jeta të Franco Baresi-t”, shkroi ish-ylli brazilian.
“Kur luaja për PSV-në, u përballa dy herë me Milanin dhe Baresin. Pastaj u takuam përsëri në finalen e Kupës së Botës 1994, një ndeshje shumë e rëndësishme për të dy ne. Mund ta them këtë me siguri: ai është lojtari më i vështirë me të cilin jam përballur ndonjëherë në karrierën time”.
“Në vitin ’97, pata nderin të luaja në ndeshjen e tij të lamtumirës”, kujtoi ai. “Ai ishte në një nivel tjetër. Ti je simboli i Milanit dhe i ekipit kombëtar italian. Një nga mbrojtësit më të mëdhenj në histori. Faleminderit, Baresi”.
