Neymar, i cili mungon prej kohësh në Kombëtaren e Brazilit për shkak të një dëmtimi të rëndë në gju, ka marrë mbështetje të madhe nga legjenda Ronaldo “Fenomeni”. Ish-sulmuesi, dy herë kampion bote (1994 dhe 2002), ka kërkuar publikisht rikthimin e ‘yllit’ të Santos në Kupën e Botës 2026.
“Nuk kemi një tjetër lojtar si Neymar. Ai është element kyç për ‘Seleçao’-n dhe shpresojmë të arrijë 100% të formës deri në Botëror. Nëse e arrin, do të kemi pa dyshim rezultate më të mira,” u shpreh Ronaldo.
Neymar nuk ka luajtur për Brazilin që nga tetori 2023, kur pësoi dëmtimin kundër Uruguait. Rikuperimi i ngadalshëm dhe rikthimet e shpeshta e kanë mbajtur larg fushës, ndërsa trajneri Carlo Ancelotti nuk e ka përfshirë në ndeshjet e fundit kualifikuese. Për ish-trajnerin e PSG-së, vetëm një Neymar plotësisht i gatshëm mund të ndihmojë kombëtaren në sfidën më të madhe.
Ronaldo e krahasoi situatën e tij me periudhën para Botërorit 2002, kur pas dëmtimeve të rënda arriti të kthehej dhe të shpallej golashënuesi më i mirë i turneut: “Kush ka luajtur futboll e di sa e vështirë është të gjesh ritmin e humbur. Neymar është ende në kohë për t’u rikthyer konkurrues.”
Brazilit, tashmë i kualifikuar për Botërorin e Amerikës së Veriut, një Neymar i motivuar do t’i shtonte eksperiencë dhe kreativitet, në një skuadër të drejtuar nga Ancelotti, të cilin Ronaldo e cilësoi “trajner të shkëlqyer dhe garantues stabiliteti për kombëtaren.”
