Ronaldo Fenomeni ka injoruar një nga miqtë e tij më të afërt në botën e futbollit, legjendën Zinedine Zidane.
Braziliani duket se nuk e sheh francezin si shokun e tij më të mirë të skuadrës. Ata kanë luajtur për pesë vite te Real Madrid, por kjo kohë paskësh qenë e pamjaftueshme për të.
Sipas Fenomenit, më i miri ka qenë Luc Nilis. Sulmuesi belg nuk mbahet mend shumë për shkak të dëmtimit që e largoi para kohe nga futbolli. Ronaldo ka luajtur me të te PSV, ku kanë fituar një kupë kombëtare së bashku.
“Kam luajtur me lojtarë të shkëlqyer si Figo, Romario, Zidane, Rivaldo, Djorkaeff dhe Raul, por askush nuk ishte si Luc. Ishte fantastik, shoku më i mirë i skuadrës që kam pasur”.
