Në intervistën e tij të parë si trajner i Manchester United, Ruben Amorim diskutoi mes disa temave edhe pseudonimin kurioz që i vuri CR7: “Cristiano Ronaldo më quajti ‘poet’. Por është një gjë qesharake sepse më pëlqen të flas jo shumë, por kur flas, mendoj se flas nga zemra.”
Ish-trajneri i Sportingut kujtoi edhe vizitën e tij në “Old Trafford”, teksa luante për Bragan, në vitin 2012: “
“Kujtimet e Old Trafford? Ata nuk janë të mira. Nuk fitova dhe më pëlqen të fitoj. Kjo është shumë e rëndësishme për mua, të argëtohesh, por të fitosh. Më kujtohet publiku. Ne po fitonim 2-0, por më pas ata u shfaqën dhe gjithçka kishte përfunduar për ne. Ne e humbëm atë ndeshje 3-2. Prandaj, është një vend i veçantë.”
Për sa i përket filozofisë që dëshiron t’ia transmetojë skuadrës, Amorim kujtoi edhe një herë të kaluarën e tij si lojtar dhe vuri në dukje objektivin kryesor të këtyre ditëve të para në Angli:
“Ata nuk e dinë të kaluarën time si lojtar, por kam luajtur në çdo pozicion. Kam luajtur në mbrojtje si i djathtë, i majtë, si mesfushor anësor, si numër 10, numër tetë. Nuk kam luajtur vetëm portier dhe sulmues. Kështu që unë isha një lojtar ekipi dhe për mua, kjo është e rëndësishme. Dhe gjithashtu për shkak se ai isha lojtar ekipi, ndonjëherë duhej të qëndroja në pankinë. Unë e di gjithçka që lojtarët e mi ndiejnë. Pra, kur mendoj për një ekip, mendoj për të gjithë lojtarët, tifozët, ndjenjat, gjithçka është në mendjen time.
Ne e dimë se na duhet kohë, por duhet të blejmë kohën. Por gjëja më e rëndësishme për mua është identiteti. Pra, që nga dita e parë, le të fillojmë me identitetin tonë. Sigurisht që do të përgatitemi për ndeshjet, por do të fokusohemi shumë te modeli ynë i lojës. Si të luajmë, si të bëjmë presion, ato gjëra të vogla, detaje të vogla. Ju nuk mund të shkoni 100% në çdo detaj sepse do të jetë konfuz për lojtarët. Pra, nëse më duhet të them një gjë, objektivi im i parë është identiteti”, përfundoi ai.
