Ronaldo ka blerë një vilë në Ishullin e miliarderëve

Një vilë ëndrrash në Ishullin e Miliarderëve në Dubai. Ky është investimi më i fundit i Cristiano Ronaldos për të inauguruar vitin 2024.

Sulmuesi i Al-Nassr, i cili do të marrë çmimet Globe Soccer Awards 2023 në Dubai, pasi ka shënuar 54 gola në 59 ndeshje vitin e kaluar, është në pritje të dorëzimit të shtëpisë së tij të re. Shifra është marramendëse.

Bloomerang Linea ka publikuar informacione në lidhje me investimin e bërë nga portugezi, i cili së fundmi i ka dhuruar edhe një super makinë nënës së tij për ditëlindjen e saj.

Nuk dihen ende karakteristikat e pronës dhe nuk dihet çmimi përfundimtar, por supozohet se vila kushton dhjetëra milionë euro.

Jumeirah Bay, Dubai, njihet si ishulli i miliarderëve, sepse numri i miliarderëve për kilometër katror atje tejkalon çdo vend tjetër në Emiratet e Bashkuara Arabe.

Ka plot manjatë që zotërojnë prona dhe tani Cristiano Ronaldo do t’i bashkohet.

Është një ishull që është pjesë e një komuniteti të mbyllur dhe përfshin disa restorante të shkëlqyera, një klub jahtesh dhe një rezort në plazh dhe ka pamje direkt nga oqeani.