Pesëmbëdhjetë gola dhe 9 asistime në 40 ndeshje mes kampionatit, Copa do Brasil dhe Copa Libertadores. Sezoni 2024 ishte ai i shenjtërimit të talentit të madh të Estêvão Willian Almeida de Oliveira Gonçalves, i njohur më mirë si Messinho. 17-vjeçari nga Palmeiras fitoi çmimin si zbulimi i kampionatit. Një ngushëllim pas vendit të dytë të marrë nga skuadra e tij, e cila besoi për një kohë të gjatë në mundësinë e fitimit të titullit, por që në fund u përkul para Botafogos.
Estevao do të zbarkojë në Londër në prill të vitit 2025, kur të ketë arritur moshën e duhur. Ai do të luajë për Chelsean, një blerje e miratuar edhe nga bashkatdhetari Ronaldo, i cili e krahasoi me një nga lojtarët më të mirë në Evropë. “Ai është një lojtar i ri dhe shumë i talentuar. Ai është si Lamine Yamal, së shpejti do të bëhet një yll i madh futbolli. Është shumë premtues dhe, vetëm në moshën 17-vjeçare, do të luajë për Palmeiras në Kupën e Botës për Klube dhe më pas do të kalojë te Chelsea”, tha ish-lojtari i Barcelonës, Interit, Realit dhe Milanit.
