Cristiano Ronaldo ka vendosur një objektiv që dëshiron ta arrij përpara pensionimit,
Ai dëshiron të shënojë 1000 gola përpara se të “varë këpucët”, shkruan lajmi.net.
Sulmuesi ndihmoi Portugalinë të rezervojë biletën për në Euro 2024, pasi shënoi dy gola në një fitore 3-2 kundër Sllovakisë.
Me këto dy gola ai tani ka një rekord prej 125 gola me kombëtaren dhe 857 gola në karrierë.
Megjithatë, Ronaldo, i cili mbushi 38-vjeç shkurtin e kaluar, nuk ka në plan të varë këpucët, përkundrazi, ka vendosur një objektiv ambicioz për të shënuar 1000 gola.
Jorge Nuno Pinto, presidenti i FC Porto, vuri bast me të për të shënuar 1000 gola dhe sulmuesi e pranoi menjëherë sfidën.
“Do të jetë mjaft e vështirë, por ka të bëjë me mendësinë dhe motivimin tim. Nëse fizikisht, këmbët e mia më trajtojnë ashtu siç i trajtoj unë… Do të shohim, këta janë hapa të vegjël. Për të arritur në 1000, ju së pari duhet të shkoj në 900. Mendoj se do të arrij”, tha Ronaldo gjatë bisedës.
Ronaldo thuhet se ka shprehur dëshirën e tij për të zgjatur kontratën me Al-Nassr, që do ta mbajë atë në Arabinë Saudite deri në vitin 2027. /Lajmi.net/
