Cristiano Ronaldo ka folur për një sezon pa trofe te Al Nassr.
Klubi nga Riadi zuri vendin e dytë në kampionatin e Arabisë Saudite dhe u eliminua nga Kupa e Arabisë Saudite.
“Gjërat nuk shkojnë gjithmonë ashtu siç do të donim apo ëndërronim. Ndonjëherë duhet të jemi të durueshëm, të qëndrueshëm dhe këmbëngulës për të arritur qëllimet tona.
Mendoj se ekipi është bërë shumë më i fortë në pesë muajt e fundit, si dhe vetë liga dhe ekipet e tjera.
Shpresoja të fitoja diçka këtë sezon, por nuk e bëmë. Por unë jam vërtet pozitiv dhe jam i sigurt se gjithçka do të ndryshojë dhe do të shkojë në një drejtim më të mirë. Le të besojmë në të dhe të punojmë për të”, tha portugezi në një intervistë për shërbimin për shtyp të Ligës Saudite. /G.D abcnews.al/
