Cristiano Ronaldo vazhdon t’i bëjë njerëzit të flasin për veten e tij dhe këtë e bën edhe kur flet për të tjerët. Në intervistën e tij të gjatë të publikuar në kanalin e tij në YouTube, portugezi lavdëroi Lamine Yamal për performancat e tij të fundit:
“Unë shoh shumë talent tek ai, një potencial të madh. Është një talent i madh. Kur je kaq i ri, ke nevojë edhe për fat. Shpresoj që ai të mos hasë probleme. Ai mund të përmirësohet shumë.”
Sulmuesi i Barcelonës, i lindur në vitin 2007, në fakt është bërë lojtari i parë që ka luajtur 11 ndeshje të Championsit para moshës 18-vjeçare, duke tejkaluar Youri Tielemans, Jude Bellingham dhe Warren Zaïre-Emery (10 secili). Shifra që konfirmojnë për të disatën herë talentin e kristaltë të futbollistit të rritur në “La Masia”.
