Wayne Rooney dhe DC United kanë vendosur të ndajnë rrugët, pas vetëm një sezon e gjysmë.
Ish-ylli i Manchester United ishte trajner i skuadrës nga MLS.
DC United mposhti NYCFC 2-0 në atë që përfundoi të ishte ndeshja e fundit e Rooney-t, por kjo nuk ishte e mjaftueshme për ta mbajtur atë në klub pasi DC nuk arriti kualifikimin në play-off-in për sezonin e katërt radhazi, shkruan lajmi.net.
Rooney mori përsipër klubin në korrik 2022 pasi më parë kishte luajtur për DC United nga 2018-19.
Në sezonin e parë të Rooney me klubin, DC fitoi 13 pikë më shumë se sezonin e mëparshëm, duke përfunduar me 40 pikë në total.
Vetëm disa orë pasi u konfirmua largimi i tij nga DC United, Rooney pritet të marr drejtimin e skuadrës të Championship, Birmingham City.
Sipas The Mirror, klubi anglez nuk janë të bindur nga trajneri aktual John Eustace dhe mbeten të interesuar për të sjellë një emër më të njohur. /Lajmi.net/
