Albion Rrahmanit i kanë mjaftuar gjysmë ore lojë te Sparta e Pragës, për të zënë vend në formacionin më të mirë të javës në Çeki.
Rrahmani kontribuoi me gol në fitoren 2:0 të Spartës ndaj Jablonecit, ndeshje kjo që i takoi xhiros së 31-të dhe u zhvillua të dielën.
Sulmuesi i Kosovës u inkuadrua në minutën e 60-të në lojë dhe ndihmoi Spartën ta fitojë këtë përballje për ta forcuar pozitën e dytë në tabelë.
Për Rrahmanin, ky ishte goli i tij i dhjetë këtë sezon në Çeki, ndërsa është vlerësuar me notën 8.3 në formacionin më të mirë të xhiros.
25-vjeçari ka realizuar 15 gola dhe ka bërë 3 asistime në 45 paraqitje për Spartën në të gjitha garat deri më tani.
Teilen:
