Kapiteni i Kombëtares së Kosovës, Amir Rrahmani po e ndjenë veten si lider te skuadra e Napolit, e cila po prinë në Serie A të Italisë.
Rrahmani ka vlerësuar lart Napolin pas fitores 1:0 në derbin kundër Romës dhe ka shtuar se shpreson të vazhdojnë me këtë ritëm deri në fund të sezonit.
“Jemi jnë ekip i madh dhe tani po ndihem si njëri prej liderëve të ekipit. Megjithatë, është e rëndësishme të vazhdojmë me këtë formë pasi rruga është e gjatë deri në fund të sezonit dhe kemi shumë ndeshje përpara. Shpresoj të vazhdojmë kështu”, ka thënë Rrahmani për mediumet italiane.
Po ashtu, Rrahmani ka thënë se po ndihet shumë mirë në qendër të mbrojtjes me Alessandro Buongiornon dhe se synimi i tyre është që të pranojnë sa më pak gola.
Pas 13-të xhirove në kampionatin italian, Napoli prinë në tabelë me 29 pikë të mbledhura kurse Rrahmani deri më tani ka regjistruar 13 paraqitje në Serie A dhe ka kontribuar me 2 asistime.
