Interi është argëtuar sot në miqësoren e radhës që ka zhvilluar kundër Pergoletezes, skuadrës së Serisë C. Zikaltrit kanë fituar me rezultatin e thellë 10-0, teksa Lautaro Martinez ka qenë protagonist në këtë sfidë.
Shumë nga blerjet e reja kanë zbritur në fushën e lojës, por ka qenë “garda e vjetër” ajo që ka bërë diferencën në këtë sfidë. Korrea, Bastoni, Çalhanollu dhe Dumfris shënuan në pjesën e parë për të mbyllur këtë fraksion loje me shifrat 4-0,.
Në pjesën e dytë, kur në fushën e lojës u aktivizua edhe Asllani, diferencën e bëri Lautaro Martinez, i cili gjithashtu kishte qëndruar në stol në 45 minutat e parë. Ai shënoi 4 herë, me 2 gola që erdhën nga penalltitë, ndërsa Espozito dhe Mkhitarjan plotësuan goleadën për suksesin 10-0.
PANORAMASPORT.AL
