Portieri i PSG-së, Serxhio Riko më në fund ka lënë spitalin. I shtruar për kohe të gjatë për shkak të dëmtimeve të rënda që pësoi pasi ra nga kali, portieri më në fund është rikthyer në shtëpi.
10 javë më parë, 29-vjeçari ishte në Spanjë duke kalëruar në momentin kur u rrëzua dhe mori dëmtime të rënda në kokë, që çuan deri në gjendje kome. Megjithatë, trupi i portierit ka arritur të përballojë mirë mjekimet e marra dhe pak nga pak, ka kaluar gjendjen e rëndë e tashmë ka ardhur dita që të largohet edhe nga spitali.
“Mirëdita të gjithëve. Ndihem mjaft mirë dhe tani më duhet qetësia e shtëpisë. Dua të falënderoj bashkëshorten time që ka qëndruar pranë meje 20 orë në ditë, dua të falënderoj të gjithë tifozët dhe botën e sportit që më kanë mbështetur. Ndihem shumë i emocionuar. U jam mirënjohës”, u shpreh portieri Riko pasi doli nga spitali.
PANORAMASPORT.AL
