Mirlind Daku zyrtarizohet te Rubin Kazani.
Mirlind Daku edhe zyrtarisht është futbollisti më i ri i Rubin Kazanit.
Klubi rus e prezantoi sot sulmuesin kosovar, shkruan Gazet Express.
Daku ka nënshkruar kontratë tre-vjeçare me klubin nga elita e futbollit në Rusi.
25-vjeçari te Rubin Kazani u transferua nga Osijeku, për 1.2 milionë euro, teksa lojtari besohet se do të fitojë 500 mijë euro në sezon.
Nga transferimi i tij ka përfituar edhe ish-klubi i tij, Llapi, që mban 15% të kartonit të gjilanas. Kësisoj, klubi nga Podujeva do të marrë 180 mijë euro.
Daku ishte transferuar nga Llapi te Osijeku në vitin 2018 për 60 mijë euro.
Sulmuesi shtatlartë ka luajtur edhe te Kukësi, Ballkani dhe Mura, në formë huazimi.
