Ky sezon për Antonio Rudigerin veç se ka përfunduar.
Gjermani mori vëmendje kohët e fundit pas reagimit të tij agresiv në fund të finales së Kupës së Mbretit ndaj Barcelonës, i cili pritet të dënohet me 12 ndeshje moslojë.
Mbrojtësi gjerman, së fundi iu nënshtrua një operacioni në meniskus, i cili më tutje gjermani tregoi se kishte luajtur 7 muaj me dhembje, në një postim në X.
“Pasi kam luajtur për më shumë se shtatë muaj me dhimbje të forta, për fat të keq ishte e pashmangshme që të më duhej t’i nënshtrohesha një operacioni në meniskus. Tanimë në fund jam përsëri pa dhimbje dhe operacioni ishte një sukses. Faleminderit ekipit mjekësor. Dua të jem në gjendje të luaj përsëri sa më shpejt të jetë e mundur, pasi dy turne të mëdhenj si Liga e Kombeve dhe Kupa e Botës për Klube janë përpara meje, por tani duhet të shikoj nga java në javë dhe do të shohim. Do të bëj gjithçka që të ndodhë. Shihemi së shpejti dhe kujdesuni për veten tuaj”, u shpreh Rudiger.
