Edhe pas eliminimit së hidhur në Kampionatin Evropian, trajneri i Gjermanisë Julian Nagelsman mbeti luftarak në prononcim:
“Është e dhembshme të presësh dy vjet për t’u bërë kampion bote”, tha ai në konferencën për shtyp dhe e shoqëroi me një buzëqeshje. Edhe pse trajneri i kombëtares së “Pancerave” ka ndezur një “zjarr” të vogël me këtë deklaratë, kjo eufori duket se është e tepërt për disa.
Karl-Hainc Rumenige gjithashtu komentoi për këtë çështje: “Unë do të rekomandoja që Julian Nagelsman t’i frenojë pak pritshmëritë e tij për të fituar Kupën e Botës. Në vend të kësaj, ai duhet të sjellë pak më shumë përulësi. Në një Botëror në Amerikë, amerikanët e Jugut zakonisht kanë avantazhin. Në vitin 1994 luajtëm kundër Koresë së Jugut në Dallas në temperatura mbi 40 gradë. Në Meksikë, disa lojëra luhen në lartësi mbi 2000 metra. E gjithë kjo nuk flet domosdoshmërisht në favor të skuadrave evropiane në Kupën e Botës 2026 dhe kjo është diçka që duhet mbajtur parasysh”, shpjegoi 69-vjeçari në një intervistë për “Sport BILD”.
PANORAMASPORT.AL
