Karl-Heinz Rummenigge vlerësoi Barcelonën në një intervistë për “AS”, duke lavdëruar Joan Laporta dhe trajnerin Hansi Flick. Për presidentin blaugrana tha: “Joan ishte zv.president në ECA, kemi miqësi të madhe. Para rikthimit e paralajmërova për situatën financiare të Barcelonës, por ai është tifoz i vërtetë dhe donte të vazhdonte. Koha i dha të drejtë”.
Ai shtoi se “në aspektin sportiv, klubi katalanas është rikthyer në nivele të larta dhe ekonomia po përmirësohet gradualisht”. Për Flick shtoi: “I thashë Laportës se më e rëndësishmja është të jesh mik i tij. Hansi ka nevojë për besim. Duket se kjo është zbatuar, sepse gjërat po funksionojnë dhe ai po bën punë të shkëlqyer”.
Rummenigge komentoi edhe Real Madridin: “Është mit në Champions, por dikur duhej të kishe kujdes edhe nga arbitri kur luaje ndaj tij”. Për Superligën: “Fatmirësisht tashmë është pjesë e së kaluarës”.
