Kosova la fushën e blertë pas racizmit të shfaqur nga tifozët rumunë, ndërsa ndeshja me Rumaninë luhej në Bukuresht. Sfida po shkonte drejt barazimit 0-0, teksa dje UEFA i dha fitoren 3-0 Rumanisë.
Rumunët janë treguar mjaft të ashpër me deklaratat pas ndeshjes. Një nga të fundit është e ish-portierit Rica Raducanu. 78-vjeçari deklaroi:
“Shkova në shtëpi në 2 të mëngjesit sepse qëndrova te ndeshja. Ishte faji i gjyqtarit. Duhej vërshëllyer për herë të fundit dhe aq.
Nëse do e bënin në kohën tonë, do t’i rrihnim. Luani futboll nëse jeni të zotë. Por erdhën me planin gati”, u shpreh ish-portieri i Rumanisë.
PANORAMASPORT.AL
