Antonio Rydiger e bëri përsëri… Ashtu si më 17 prill 2024 kundër Mançester Sitit, të mërkurën e kaluar në “Metropolitano” ai mori përgjegjësinë për të ekzekutuar penalltinë vendimtare në një ndeshje në Champions.
Çuditërisht, qendërmbrojtësi gjerman është i vetmi lojtar i Realit që agjëron për Ramazan, një rrethanë që nuk ndikon në performancën apo vendosmërinë e tij. Rydiger është një mysliman praktikues dhe si i tillë është në Ramazan, muaji i agjërimit.
Lojtari i Realit e praktikon në mënyrë rigoroze: nga lindja e diellit deri në perëndim. Kur perëndon dielli, lojtari hidratohet dhe ushqehet, gjithmonë nën mbikëqyrjen e shërbimeve mjekësore të Realit të Madridit. Kjo përfshin konsumimin e proteinave për të kompensuar deficitin ushqyes të shkaktuar nga afërsisht dymbëdhjetë orë agjërimi që përfshin Ramazani, i cili përfshin gjithashtu lutjen dhe reflektimin.
Këtë vit agjërimi nisi më 28 shkurt dhe do të zgjasë deri më 30 mars. Rydiger do të luajë edhe dy ndeshje të tjera për Madridin gjatë kësaj periudhe agjërimi (të shtunën në Vijarreal dhe më 29 mars kundër Leganés në “Bernabéu”). Mbrojtësi i kombëtares gjermane ishte me agjërim edhe në sezonin e kaluar kur Reali u përball me Mançester Sitin. Ndeshja e parë u luajt në Madrid më 9 prill, ditën e fundit të Ramazanit të vitit 2024, gjë që nuk e pengoi Rydiger të dilte qartë fitues në duelin e tij me Erling Haland.
Ashtu si të mërkurën që lamë pas në “Metropolitano”, Antonio mori përgjegjësinë për penalltinë e fundit, penallti që zakonisht rezervohet si e para – për specialistët e mëdhenj. Pavarësisht kësaj, gjermani nuk hezitoi dhe shënoi përballë Edersonit. Të njëjtën anë që zgjodhi ballë për ballë të mërkurën kundër Oblak. Portieri i Atletikos e kapi krahun, e preku topin dhe ishte gati ta priste, por pa mundur.
PANORAMASPORT.AL
