Kryetari i Autoklubit Ferizaj, Sadat Rysha, ka uruar 29 vjetorin e gazetës kombëtare ‘Bota sot”, duke shprehur fjalët më falënderuese.
“I dashur staf i Gazetës ‘Bota sot’, në këtë ditë të veçantë, e cila shënon përvjetorin tuaj, dua të shpreh urimet e mia më të përzemërta dhe të ngrohta. Përkushtimi dhe profesionalizmi juaj kanë kontribuar ndjeshëm në informimin dhe edukimin e komunitetit tonë.
Si kryetar i Autoklubit, kam parë ndikimin pozitiv që keni pasur në publikun tonë, dhe për këtë jemi të gjithë mirënjohës. Ju keni arritur të krijoni një hapësirë ku informacioni cilësor dhe lajmet e rëndësishme janë gjithmonë në dispozicion për ata që kanë nevojë.
Ju uroj edhe shumë përvjetore të suksesshme përpara, me lajme të tjera të suksesshme e të besueshme.
Krahas urimeve për këto arritje, jam i sigurt se bashkëpunimi ynë do të vazhdojë të jetë frytdhënës për të dyja palët.
Gëzuar përvjetorin!”, ka uruar Sadat Rysha kryetar i Autoklubit.
