Nuri Sahin, trajner i Borussias së Dortmundit foli në konferencën për shtypin në prag të ndeshjes së Championsit përballë Realit në “Bernabeu”.
Këto janë fjalët e tij për Carlo Ancelottini dhe fenomenet që luajnë në sulmin e “Los Blancos” dhe për bashkatdhetarin e tij, Arda Guler:
Për Ancelottin: “Ai është trajner fitues, është ndoshta trajneri që di të krijojë marrëdhëniet më të mira me lojtarët e tij, askush nuk është si ai në këtë aspekt. Nëse fitoj gjysmën e trofeve që ka fituar ai, do të mund të vdes shumë i lumtur.”
Mbappè dhe Vinicius: “Ne do të luajmë si ekip, jo vetëm për të ndaluar këta dy lojtarë të jashtëzakonshëm, por për t’u përballur me të gjithë. Ne duhet të veprojmë si ekip.”
Për talentin turk, Arda Guler: “Mendimi im për të është shumë i mirë, shpresoj të fitojë shumë trofe me Realin e Madridit dhe Turqinë. Ai po bën mirë dhe po shënon gola vendimtarë. Për mua ai është si një vëlla më i vogël. Shpresoj shumë që e ardhmja e tij të jetë e ndritshme”.