Dikur së i ri i skuadrës nga U17 deri te bankina e skuadrës së parë (2019/20), sërish kthehet te ekipi që patjetër donte të luante.
“Mesfushori, Gentrit Salihu i lindur më 25.06.2003 në Ferizaj, pas rrugëtimit në Besë të Pejës, U19 të Portos dhe së fundit Dukagjinit nga Klina, na bashkëngjitet në tre vitet e ardhshme”, njofton FC Prishtina.
“Është e vërtet, dikur refuzoja kontratë profesionale nga klubi, doja të luaja patjetër dhe si 17 vjeçar kisha arritur qëllimin që të zhvilloja të gjitha ndeshjet si titullar me Besën e Pejës në Superligë.
Tani po ndjehem tejet i lumtur për vendimin që kam marrë, këtë mundësi prisja, do të vesh fanellën më të rëndë në vend.
Kemi skuadër të re, por kjo më nuk çon peshë, ka shumë futbollistë të rinj që po luajnë me nga 16 vjet nëpër Evropë dhe jam i bindur që deri në fund do të ndjekim titullin e kampionit”, tha Salihu.
