Skuadra e Sampdorias është në krizë të thellë rezultatesh edhe në Serinë B dhe humbja e thellë në Kupë me shifrat 4-0 ndaj Salernitanës, ka acaruar edhe më shumë tifozët. Një grup prej tyre ka dalë të presë ekipin në aeroport, duke iu kundërvënë ekipit.
Edhe pse skuadra mbërriti në orët e vona të natës nga Napoli, pas udhëtimit me çarter, tifozët i kishin pritur me shumë durim për t’u dhënë një “mirëseardhje” jo edhe aq të ngrohtë. Kritikat ndaj lojtarëve iu shtuan edhe ato ndaj trajnerit Andrea Pirlo.
“Si njeri nuk mund të të them asgjë, por te Juventusi formacionin ta bënte Ronaldo”, i ulëriti një tifoz Pirlos teksa po largohej nga aeroporti. Menjëherë trajnerit i doli në mbrojtje drejtori teknik Nikola Legrotalje. “Këtu e humbe, po deshe le të flasim për futboll…”, ishte përgjigja e tij ndaj tirfozit.
PANORAMASPORT.AL