Leroy Sané i është nënshtruar operacionit në kockën pubike sot në një klinikë të Mynihut. Operacioni ka qenë i suksesshëm dhe lojtari do të pushojë rreth tri javë para se të nisë stërvitjen në fund të korrikut. Sane ka vuajtur nga dhimbjet në ije gjatë gjithë muajve të fundit dhe te Bayern është aktivizuar vetëm në ndeshjet më të rëndësishme, ndërkohë që u rehabilitua gjatë ditëve deri në nisjen e kampionatit evropian. Por problemet iu rikthyen pikërisht në ndeshjen kundër Spanjës, të cilën ai e nisi si titullar. Sane kërkoi zëvendësimin në pushim pas nuk mund të vazhdonte më. Pas dhimbjeve të forta prej shumë kohësh, operacioni mbeti e vetmja zgjidhje dhe lojtari nuk ka humbur kohë, me synimin për të qenë gati në sezonin e ri. Ai planifikon riaftësimin për tre katër javë, për të nisur stërvitjen te Bayern më 29 korrik, kur është dita e rikthimit edhe e gjithë lojtarëve të tjerë që janë të impenjuar me kombëtaret e tyre.
