Pas titullit kampion shtetëror për futbollistë të lindur në vitin 2009, ish-futbollisti i njohur, Serat Berisha, tashmë i futur në “ujërat” e trajnerëve, ka lënë pas vetes një tjetë sukses.
Në Durrës të Shqipërisë u zhvillua turneu mbarëkombëtar “International Soccer Cup”, në të cilin kampion doli gjenerata U15 e FC Shkupi e drejtuar nga Sedat Berisha.
FC Shkupi U15 në stadiumin “Niko Dovana” të Durrësit fitoi konkurencën me Arsenalin e Kosovës (gjysmëfinale) dhe Ardhmëria nga Mali i Zi (finale), duke marrë me meritë trofeun për vendin e parë dhe çmime tjera individuale.
“Turne si ky janë shumë të dobishëm për çunat e ri, pasi mësojnë të përballen me konkurencë jashta vendit e që do t’u shërbejë shumë në të ardhmen.
Edhe pse për fëmijët më shumë se rezultati, rëndësi ka të mësojnë çdo ditë diçka rreth futbollit, por padyshim se jemi të lumtur për vendin e parë. Ky sukses do të jetë motiv për punë akoma më serioze në të ardhmen”, shprehet për Sportmania, trajneri i FC Shkupi U15, Sedat Berisha.
