“Unë pres që të gjithë tifozët të argëtohen, ky është futbolli”. Serbi-Angli, nesër në Gelsenkirchen, klasifikohet nga autoritetet gjermane si ndeshja me rrezikshmërinë më të lartë të fazës së parë të Euro 2024. Kryqëzimi mes tifozëve anglezë dhe mijëra ultrasve serbë të ardhur nga Beogradi është i rrezikshëm.
Kështu si trajneri i Tre Luanëve, Southgate, ashtu edhe rivali i tij, Dragan Stojkovic, nisin apelet për qetësi në prag të ndeshjes. “Kam pasur fatin të udhëtoj në shumë ndeshje futbolli: ato janë festa të shkëlqyera, një mundësi për të takuar njerëz nga vende të ndryshme të botës. E gjithë Evropa bashkohet dhe secili mund të mbështesë skuadrën e vet”, tha trajneri anglez.
Stojkoviç më i qetë: “Jam i sigurt që nesër do të jetë një mundësi që të gjithë ta shijojnë ndeshjen, si për tifozët anglezë dhe për ata serbë. Futbolli është diçka e veçantë për njerëzit dhe jam i sigurt që tifozët e të dyja skuadrave do të jenë shumë të lumtur që nesër të jenë në stadium”.
