Atalanta ka arritur të mposhtë Romën në “Olimpico” me rezultatin 2-0 në kuadër të xhiros së 14-të të Serie A.
Roma e nisi më mirë ndeshjen, duke rrezikuar me Leandro Paredes dhe Manu Kone, por nuk arritën të gjenin golin.
Ademola Lookman gjeti rrjetën në minutën e 23-të, por goli i tij u anulua për pozicion jashtë loje.
Edhe pjesën e dytë e nisi mirë ekipi i Claudio Ranierit, që rrezikoi me Artem Dovbyk, por që gjuajtja e ukrainasit u prit nga portieri mik.
Ndeshja u zhbllokua në minutën e 69-të, kur Marten de Roon arriti të mposhtë Mile Svilarin për 1-0.
Gianluca Mancini kishte mundësi të barazonte, por gjuajtja e tij nuk e gjeti kuadratin.
Pak pa u mbyllur ndeshja, Nicolo Zaniolo arriti të shënojë me kokë për 2-0, duke festuar me tifozët e Atalantas, pasi kur hyri në lojë u fishkëllye.
Me këtë fitore Atalanta ka 31 pikë (1 pikë pas Napolit kryesues), ndërsa Roma mbetet në vendin e 15-të me 13 pikë.
