Julian Shehu ka qenë një nga “zbulimet” e ndeshjeve të fundit të Kombëtares dhe ka bërë edhe ndaj Serbisë një sfidë shumë të mirë.
“Të them të drejtën dua të përgëzoj të gjithë çunat se sot dhamë shpirtin, gjithçka që kishim e dhamë në fushë, meritonim tre pikët.
Por patëm penallti dhe e humbëm, janë gjëra futbolli, të shohim para. Ndeshja tjetër vjen shpejt dhe shpresojmë të marrim tre pikët atje.
Trajneri na tha disa detaje për ndeshjen e na përgëzoi se edhe ai ishte dakord që dhamë shpirtin në fushë.
Ishte i lumtur me performancën, por na tha që kemi ndeshje tjetër shpejt e duhet të jemi të fokusuar se kjo ndeshje mbaroi.
Dëmtimi? Mora një goditje në minutat e parë në kofshë, filloi të ngarkohej në minutat e fundit dhe nuk desha të rrezikoj se nuk jam i freskët e mendova më mirë të futet një tjetër se ndihmoj ekipin më shumë”, tha Shehu për TVV Klan pas ndeshjes.
