Frenk Kesi e ka shprehur dëshirën për t’u larguar nga Barcelona dhe ka tashmë një klub të gatshëm për të kënaqur si dëshirat e mesfushorit, ashtu edhe ato të klubit katalanas.
“Mundo Deportivo” ka konfirmuar ofertën e arabëve të Al-Ahlit në drejtim të spanjollëve, një propozim që mbërrin në 20 milionë euro për të lënë të shkojë 26-vjeçarin që mbërriti nga Milani me parametër zero.
Nga ana tjetër në llogaritë e vetë lojtarit do të shkojnë 10 milionë euro në sezon, një shumë që duket se e ka bërë mesfushorin të rikonsiderojë edhe një herë vendimin e tij për të provuar Bundesligën ose Premier Ligën, pasi drejtuesit katalanas i transmetuan se nuk ishte më pjesë e planeve të tyre.
Me mbërritjen e Gyndoanit thuajse është vulosur fati i mesfushorit nga Bregu i Fildishtë, që nuk arriti në asnjë moment të linte gjurmë në Spanjë aty ku Ksavi Hernandez zgjodhi ta aktivizojë titullar në vetëm 7 ndeshje të La Ligëas së këtij sezoni.
PANORAMASPORT.AL
